БИШКЕК. Бүгүн Жогорку Кеңештин Мыйзам чыгаруу жыйыны өлкөнүн кышка даярдыгын караган өкмөттүк саатынын жыйынтыгын чыгарып, токтом кабыл алды. Анда электр энергиясын текши өчүргөн жетекчилерге карата чара көрүлүп, жалпы өчүрүү токтотулсун деген милдет алдыга коюлду. Андан тышкары Эсеп палатасынын адистери менен тартип коргоо органдарынын өкүлдөрүнөн турган атайын комиссия түзүлдү. Анын милдети - электр энергиясына карыз деп ачылган жалган эсептерди текшерип, айыптууларды жазалоо. Айрым депутаттар кемчиликтерди жоюу милдетин өкмөткө тапшыруудан майнап чыкпайт деп, энергетикалык кризисти жоюу сунуштарын президентке жолдоону талап кылышты.
