АКШ мамлекеттик катчысы Колин Пауэлл бүгүн Голландиянын Маастрихт шаарындагы жыйында сүйлөп, Грузиянын бүтүндүгүн колдоду: "Шайлоо учурунда дагы, андан башка убакта дагы Грузиянын аймактык бүтүндүгүн сактоо үчүн эл аралык коомчулук бардык мүмкүн болгон чараларды көрүүгө тийиш. Грузиянын бүтүндүгүн солгундатып, бөлүнөбүз деген күчтөргө эч колдоо көрсөтүлбөш керек". Маастрихтте Европадагы коопсуздук жана кызматташуу уюмунун жыйыны өтүп жатат жана ага келген Грузия президентинин милдетин аткарган Нино Буржанадзе кечээ күнү Орусияны күнөөлөп, Маскөө Грузиядагы сепаратисттерди колдоп жатат деп билдирген. Бүгүн Пауэлл Буржанадзе менен жолугуп сүйлөштү.
