ТОКМОК. Гагарин атындагы кинотеатрда өткөн бул жыйынга баш-аягы 50-60 адам катышты. Алардын көбүн Токмок шаарындагы жогорку окуу жайлардын студенттери жана Чүй районунда жайгашкан айыл өкмөттөрүнүн башчылары түздү. Жыйынды Чүй райондук мамлекеттик администрациясынын башчысы Момункулов ачып, "Алга, Кыргызстан" партиясынын лидери Бегалиев Болот партиянын келечек максат, милдеттери тууралуу баяндады. Андан соң ал элди "Алга, Кыргызстан" партиясына кирүүгө үгүттөдү. Жергиликтүү тургундар бул аракетти болочоктогу шайлоого даярдык деп баалашты.
