БИШКЕК. Бүгүн Москвада Жамааттык коопсуздук келишими уюмуна (ЖККУ) кирген мамлекеттердин коргоо министрлеринин кеңешинин жыйыны башталды. Ага Кыргызстандын коргоо министри Эсен Топоев катышууда. Жыйында ЖККУнун штабынын ишмердүүлүгү жана аны каржылоо маселеси каралууда. Ал эми шаршемби күнү Москвада КМШ мамлекеттеринин коргоо министрлеринин кеңешинин жыйыны өтмөкчү. Анда келерки жылы КМШ аймагында тынчтыкты сактоочу күчтөрдү каржылоо жана абадан коргонуу боюнча биргелешкен машыгууларды өткөрүү маселелери каралат.
