Грузия Түштүк Осетияга аскер жиберди

Грузиянын Коргонуу министри Ника Лалеашвилинин маалымдашынча, аскерлер "Орусиядан азык-түлүк жана курал-жарак аткезчилигине чек коюу" үчүн жөнөтүлдү.
Лалеашвилинин ырастоосунда, бул операция сепаратисттик жумуриятта турган орусиялык тынчтык аскерлеринин макулдугу менен жүргүзүлүп жатат.
Түштүк Осетиянын Коопсуздук Кеңешинин жетекчиси Жемал Карсуков "Тбилиси Түштүк Осетиянын өкмөтү менен алдын-ала макулдашкан жок" деп нааразы болду.