Бириккен Улуттардын Өзөктүк кубат боюнча эл аралык агенттигинин деректири Мохамед эл-Барадеи бүгүн Израил жетекчилигине кайрылып, Жакынкы Чыгышта тынчтык орнотуу максатында жөөт мамлекети өзөктүк куралдан баш тартууга тийиш деп билдирди. Эл-Барадеинин айтымында, андан тышкары, Израил Өзөктүк куралды жайылтпоо боюнча эл аралык келишимге да кол коюшу керек. Жөөт мамлекети эч качан өзөктүк куралга ээ экенин моюнга алган эмес, бирок эксперттердин ишениминде, анын куралы бар.
