Линктер

жекшемби, 11-декабрь, 2016 Бишкек убактысы 12:50

ЭСЕП-КЫСАП АППАРАТЫНА КИМ КАРШЫ, КИМ МАКУЛ?


Бүгүн Кыргызстандын Жогорку Кеңешинин Мыйзам чыгаруу жыйынынын бажы жана салык төлөмдөрү боюнча комитетинде базарлардагы чакан дүкөндөргө эсеп-кысап аппараттарын коюу маселесине арналган парламенттик угуу өткөрүлөт. Ага каржы министрлигинин Кирешелер комитети, салык кызматынын өкүлдөрү, базарчылар катышат.

Эсеп-кысап аппараттарын ири базарлардагы дүкөндөргө (контейнерлерге) орнотуу маселеси буга чейин бир нече ирет өкмөт менен базарчылардын ортосунда талаш пайда кылган. Бишкектин ири базарларындагы иш таштоолорго, соодагерлердин нааразылыгына карабай, өкмөт эсеп-кысап аппараттарын соода түйүндөрүнө орнотуу тууралуу токтомун чыгарып, талашка чекит койгон.

Өкмөттүн мындай саясатына ичи чыкпаган айрым базарчылар Бишкектин “Дордой” жайма базарындагы дүкөндөрүн башкалаадан 30 чакырым алыстыктагы Казакстандын Кордой базарына көчүрүшүүдө.

Кыргызстандын каржы министрлигинин Кирешелер комитетинин эсеп-кысап аппараттарын колдонууну көзөмөлдөө бөлүмүнүн башчысы Туратбек Имеров базарда отургандар тапкан пайдасына жараша салык төлөөсү керек деген пикирде:

- Кирешеге жараша салык төлөнүшү керек. Текшерүүнүн жыйынтыктарын карасак, ортодо соодасы дурус жүргөндөр деле бир жарым миң сом, четинде отургандар деле бир жарым миң сом патент төлөп атышат.

Бирок бул ойду Бишкектеги Оберон базарынын кесиптик жамаатынын төрагасы Темирбек Токтоналиев колдобойт:

- Бизге эсеп-кысаптык аппараттын кереги жок. Анткени, аны киргизүүнүн механизми туура эмес ойлонгон. Эсеби чыгарылган эмес.
XS
SM
MD
LG