ОШ. Жергиликтүү элдин билдиргенине караганда, жолдун алыстыгын, калың карды шылтоолоп Алайкуу өрөөнүн бир нече күндөп электрсиз калтырып, анын эсебинен райондо электр энергиясын үнөмдөө көнүмүш адатка айланды. Жогорку чыңалуудагы электр зымынын үзүлүп калганына байланыштуу 7 айыл эли беш күндөн бери караңгыда отурат. «Каракулжа РЭСинин» нөөмөттө турган кызматкерлери жогорку чыңалуудагы зымды оңдоого эми гана адистер жиберилгендигин айтышты.
