БИШКЕК. 22-декабрдан тартып Бишкектин тартип коргоо органдары күчөтүлгөн режимде иштөөгө өттү. Мындай маалымат бүгүн Ички иштер министрлигинин басма сөз кызматынан алынды. Окуу жайларды, мектептерди, базарларды жана башка эл көп чогулган жерлерди көзөмөлдөө күчөтүлүп, ал жерлерге куралданган милиция кызматкерлери коюлду. Мындай иш-чара өткөн жылы 27-декабрда «Дордой» базарында болгон жардыруудай террорду болтурбоо жана жалпы тартипти сактоо максатында жасалууда.
