БИШКЕК. Быйылкы жылдын 11 айында Кыргызстандын ички дүң продуктысы 106,5% өстү. Анын ичинде өнөр жайы 116.8%, айыл чарбасы 103.6% өскөн. Бирок негизги капиталга салым дээрлик 8%, курулуш буюмдарын өндүрүү 7% төмөндөгөн. Ал эми инфляция 4,7% болгон. 11 айдагы импорттун көлөмү 569 млн. долларды, экспортуку 434 млн. долларды түзүп, тескери сальдо 134 млн. доллардан ашкан. Бул тууралуу бүгүн өкмөттүн маалымат кызматы билдирди.
