БИШКЕК. Улуттук банктын башчысы Улан Сарбанов жетектеген делегация 19-21-декабрда Кытайда ырасмий сапар менен болуп кайтты. Сапар учурунда «Кыргызстан улуттук банкы менен Кытай улуттук банкынын ортосунда маалымат-аналитикалык жана техникалык кызматташуу» боюнча макулдашууга кол коюлду. Андан сырткары эки тарап өлкөлөрдүн каржы мекемелери жана коммерциялык банктарынын ортосунда кызматташууну өнүктүрүү боюнча бир пикирге келишти. Бул тууралуу Улуттук банктын басма сөз кызматынан кабарлашты.
