КАРАКОЛ. Облустук мамлекеттик администрациянын башчысынын биринчи орун басары Орозбек Бектуров «тегерек үстөл» жыйынында быйыл экономикалык кылмыштар жана кызматтык тартип бузуулар боюнча 60 кылмыш иши козголгонун билдирди. Ал кылмыш иштерин ачууга 67 млн. 528 миң сом өлчөмүндө келтирилген зыян себеп болгон. Түп районунун акиминин биринчи орун басары Жолдошев болсо коррупцияга каршы күрөштү чыңдоо үчүн тарбияны мектептен баштоону, ал үчүн балдарга адам укуктары боюнча билим берүүнүн зарылдыгын айтты.
