Маселен Кошмо Штаттар ыктымал болуучу теракттарды алдын алуу максатында дүйнө өлкөлөрүнүн авиакомпанияларынын АКШга каттаган учактарынын бортунда куралдуу кайтаруучулар болушун талап кылышы мүмкүн экенин билдирди. АКШнын Ички коопсуздук боюнча министрлигинин кечээ маалымдаганына караганда, мындай талап баардык каттамдарга эмес, бирок терракттардын ыктымалдуулугу жөнүндөгү оперативдүү маалыматтарга жараша колдонулат. Британиянын учкучтар ассоциациясы жогорудай талапка каршы экенин жарыялады. Анткен менен британ өкмөтү АКШнын авиакаттамдардын коопсуздугун камсыз кылууну көздөгөн аракеттерин түшүнүүчүлүк менен кабыл аларын билдирди.
