Алар делегаттардын 40%ы кечээ конституцияга киргизилчү өзгөртүүлөргө добуш берүүдөн баш тарткандыктан түзүлгөн кырдаалды чечүүгө аракет кылышууда. Бойкот жарыялаган делегацияларды Ооганстандын экс-президенти Бурхануддин Раббани, өзбектердин лидери Абдул Рашид Достум жана исламчыл консерваторлордун өкүлү Абдул Расул Сайяф жетектейт. Алар өкмөттө өз өкүлдөрүнө көбүрөөк орун берүү, президенттин бийлик укуктарын чектеп, парламент жана жергиликтүү башкаруу органдарын күчтөндүрүүнү талап кылышууда.
