БИШКЕК. Бүгүн Коргоо министрлиги аскер даярдыгы боюнча окууларды баштады. 12-январга чейин өтүүчү ал аскер даярдыгына министрликтин карамагындагы башкармалыктардын, бөлүктөрдүн жана мекемелердин кызматкерлери катышууда. Министрликтин маалымат кызматынын бүгүн билдиргенине караганда, окутуунун алкагында аскерий даярдыктын ар кыл багыттары боюнча машыгуулар өтөт. Аскерий окуулардын соңунда Министрликтин борбордук аппаратынын, Аскерий күчтөрдүн башкы штабынын, аскер күчтөрүнүн түндүк жана түштүк тобунун жана тез аракеттенүүчү күчтөрдүн катышуусунда аскерий машыгуу болот.
