Бирок бул үчүн Кошмо Штаттары Пхеньянга жардам көрсөтүүгө тийиш жана Түндүк Кореяны терроризмди колдогон өлкөлөрдүн тизмесинен чыгарышы керек. Пхеньяндын ырасмий маалымат агенттиги таркаткан билдирүүдө Түндүк Кореянын мындай ыкыласы дагы бир “батыл кадам” деп бааланат. Кечээ Москвада орус жана кытай делегациялары Пхеньяндын атомдук программасына байланышкан маселелерди талкуулап, аталган проблема боюнча алты тараптуу сүйлөшүүлөрдүн экинчи айлампасы жакын аралыкта башталары күмөн экенин ырасташты.
