Бириккен Улуттардын Балдар фонду - ЮНИСЕФтин төрайымы Кэрол Беллами дагы бүгүн Бам шаарына келип, жер титирөөнүн кесепеттерин жоюу иштерин текшере баштады. Белламинин айтымында, шаардагы жети миңге жакын жетим калган балага жардам көрсөтүү аракеттерине да ЮНИСЕФ көзөмөл кылат. Бириккен Улуттар Уюмунун эсебине караганда, шаарды калыбына келтирүү иштери эки жылга созулат жана ага бир миллиард доллар керек болот.
