НАТО күчтөрү Боснияда Радован Каражичтин үйүн тинтишти

Босниялык серб улутчулдарынын анабашы 1992-95-жылдарындагы согуш кылмыштары үчүн изделүүдө.
Турукташтыруу күчтөрүнүн өкүлү лейтенант Матью Брок операцияны кабарчыларга мындайча сүрөттөдү:
- Биз эртең менен саат 10дон 15 мүнөт өткөндө келдик. Каражич мырзанын аялы менен сүйлөштүк. Ал биз менен толук кызматташып, үйгө кирип, имаратты тинтүүгө уруксат берди.
Операциянын жүрүшүндө Каражичтин жактоочулары деп шектелген эки киши камакка алынды.