Бүгүн Казак парламентинин депутаты Серикбай Алибаев өткөн аптада Астанада Жылдыз Толеуова аттуу журналисттин сабалгандыгын тергөөнү талап кылды. Толеуова "Азаттык" үналгысынын кабарчысы жана Астанага орус президенти Владимир Путин келгенде сабалып кеткен. Анын мурду сынып, башынан жараат алган, бирок "Азаттыктын" Астанадагы бюросунун башчысы Толеутай Дамиевдин айтымында, журналист кандай шартта сабалгандыгы тууралуу так маалымат жок.
