АКШнын мамлекеттик катчысынын орун басарынын жардамчысы Линн Паско Тбилисиге келип, бүгүн Грузиядагы эки орус аскерий базасын жаап, аскерлерди чыгарып кетүү жараянын каржылоо милдетин Америка Кошмо Штаттары өзүнө ала алат деп билдирди. Европадагы коопсуздук жана кызматташуу уюмунун Ыстамбулдагы саммитинде Орусия аскерлерин жакын арада чыгарып кетүүгө убада берген, бирок азыр ал үчүн дагы 11 жыл керек деп айтууда.
