Мексиканын Монтеррей шаарында кечээ жана бүгүн өтүп жаткан жалпы америкалык бийик жолугушууга катышкан АКШ президенти Жорж Буш атайын билдирүү жасап, дүйнөнүн кайсы бир өлкөсүндө коррупцияга малынган жетекчилер мындан ары Америка Кошмо Штаттарына киргизилбейт деп жарыялады. Президенттин айтымында, кандай болбосун коррупция АКШнын улуттук кызыкчылыктарына каршы келет жана дүйнөдө коопсуздукту камсыз кылып, демократия менен эркин экономика орнотууга тоскоолдук түзүүдө.
