ОШ. Ош шаарынын герби менен желегинин долбоорун түзүүгө Ош шаардык мэриясы 2003-жылдын 2-июнунда жабык конкурс жарыялаган. Конкурста комиссия 88-88А номурлуу желектин долбоорун, 35-62 номурлуу гербдин долбоорун жактырган. Аталган долбоорлор Ош шаарынын мэри кол койгон токтом боюнча сунушталып, депутаттардын Ош шаардык Кеңешинин сессиясы тарабынан кабыл алынды. Ошентип, шаардын гербинин автору Улан Жалиев, желектин автору Динара Чокотаева болуп калышты.
