БИШКЕК. Юстиция министрлигинин алдындагы Жаза өтөө башкы башкармалыгында маалымат кызматы ачылды. Анын жетекчилигине Сергей Сидоров дайындалды. С.Сидоровдун маалыматы боюнча, башкармалыкта 20-январдан тартып «ишеним телефону» иштей баштайт. Ал аркылуу соттон жабыр тарткан, күнөөсүз сот жообуна тартылган, камактарда жаза өтөө мезгилинде кыйноолорго дуушар болгон атуулдар жана алардын туугандары кайрыла алышат. Жаза өтөө башкармалыгынын буга чейин өз маалымат кызматы болгон эмес. Башкармалык 2001-жылы Ички иштер министрлигинин карамагынан Юстиция министрлигине өткөрүлүп берилген.
