БИШКЕК. Бүгүн Жогорку Кеңештин Мыйзам чыгаруу жыйынынын дагы бир депутаты - Адахан Мадумаровдун иш бөлмөсүнөн да жашырылып коюлган тыңшоочу аппарат табылды. Кечээ, 14-январда андай аппарат депутаттар Исмаил Исаков, Азимбек Бекназаров, Ишенбай Кадырбеков жана Өмүрбек Текебаевдин иш бөлмөлөрүнөн табылган. Адистердин билдирүүсүнө караганда, тыңшоочу аппараттар өкмөттүк байланыштын зымдарына туташтырылган. Алар акыркы үлгүдөгү аппарат эместигине карабай, жашыруун тыңшоого мүмкүнчүлүк берип келген.
