Европа комиссиянын төрагасы Романо Проди Анкарада түрк премьер-министри Режеп Эрдоган менен сүйлөшүүлөрдү өткөрүп, азыркы өкмөт өткөрүп жаткан реформалар Түркияны Евросоюзга жакындата тургандыгын белгиледи. Бул жагынан өзгөчө Кипр проблемасынын чечилиши чоң мааниге ээ болмокчу. Эгер аралдын түрктөр жана гректер байырлаган бөлүктөрү быйыл майга чейин бириксе, Кипр бирдиктүү өлкө катары Евросоюзга кабыл алынат, болбосо союзга аралдын түштүк бөлүгү гана кошулат.
