Сараево шаарында сүйлөгөн сөзүндө Яап де Хооп Схеффер босниялык бийликтерди согуш кылмышкерлерин кармоо үчүн иш-аракеттерди активдештирүүгө чакырды. Схеффер Каражичтин ишине токтолуп, ал өмүр бою бекинип жүрө албай тургандыгын белгиледи. Согуш кылмышкерлерин кармоо НАТОнун да иши экенин ырастап, Схеффер ошол эле учурда муну Босниялык бийликтердин биринчи кезектеги тикелей милдети деп эске салды. Босниялык сербдердин мурдагы лидери Радован Каражичти Гаагадагы эл аралык трибунал согуш кылмышкери деп жарыялаган. Каражич алиге чейин кармала элек.
