Бул тууралуу кечээ “Хамас” тобунун башчысы Ахмед Яссин билдирди. Жума күнү Израилдин өкүлдөрү Яссинди көптөгөн террордук иштерди уюштурганы үчүн айыптап, анын көзүн тазалаганы жатканын эскертишкен эле. Евросоюздун жетекчилиги Израилди экстремисттердин башчыларын жок кылуу практикасынан баш тартууга чакырды. Кошмо Штаттардын мамлекеттик департаментинин өкүлү Ричард Баучер Израил өз коопсуздугун коргогонго укугу бар экенин моюнга алып, ошол эле учурда мындай тактиканын салакаларын да эске алууга тийиш деп эскертти.
