Ирак соңку 24 саатта

Иракта соңку бир күндө бери дегенде 12 адам набыт болду. Шейшемби күнү Багдаддын түштүгүндө жана батышында жол боюна коюлган бомбаларга кабылып, америкалык алты жоокер жана ирактык бир жаран курман болушканын АКШлык аскерий жетекчилик билдирди.
Багдаддын четинде болсо Си- эн- эн телевидениесинин ирактык айдоочусу менен котормочу-продюссери буктурмага кабылып өлүштү.
Америкалык күчтөр Бейжи шаарчасындагы черүү учурунда эрегишчи деп шектелген куралдуу үч адамды жок кылышты.