Линктер

logo-print
дүйшөмбү, 5-декабрь, 2016 Бишкек убактысы 22:57

Түркмөнстанда мечиттин курулушуна 113 миллион доллар ажыратылды


АШХАБАД. Түркмөнстандын президенти Сапармурад Ниязов мечит салдыруу үчүн бюджеттен 113 миллион доллар ажыратуу жөнүндөгү жарлыкка кол койду. Мамлекеттик телекөрсөтүүнүн маалыматына караганда, мечит Ниязовдун туулуп-өскөн кыштагы Кыпчакта курулат. Региондун эң чоң мечити болуп кала турган зыяратканада бир эле маалда 20 миң киши намаз окуй алат. Мечиттин курулушу Түркмөнстанда 1948-жылы 6-октябрда болгон жер титирөөнүн курмандыктарына багышталууда. Зилзалада Ниязовдун энеси жана эки эркек бир тууганы курман болуп, атасынан согуш учурунда эле ажыраган Ниязов томолой жетим калган экен. Өлкөнү 1985-жылдан бери башкарып келаткан президент жер титирөө болгон күндү 1995-жылы аза күтүү күнү деп жарыялаган.

Азаттык Фейсбукта

XS
SM
MD
LG