МОСКВА. Россиянын мамдумасынын "Бирдиктүү Россия" Фракциясы президенттин кызмат мөөнөтүн жети жылга чейин узартуу сунушуна каршы экенин билдирди. Мамдуманын төрагасы Борис Грызловдун айтымында, депутаттардын көпчүлүгү Конституцияга андай өзгөртүүнүн киргизилишине жол бербейт. Бирдиктүү Россияга Мамдумадагы орундардын үчтөн экиси таандык. Андан мурдараак президенттин кызмат мөөнөтүн узартуу сунушуна президент Путиндин өзү да каршы экенин билдирген.