Жон Керри атаандаштарын дагы утуп чыкты

Вашингтон жана Мичиган штаттарында АКШнын демократиялык партиясы өткөргөн праймериз шайлоодо сенатор Жон Керри өзүнүн атаандаштарын утуп чыкты.
Керриге шайлоочулардын жарымынан көбү өз добуштарын беришти. Ал эми Керринин атаандаштары Вермонт штатынын губернатору Говард Диин, Сенатор Жон Эдвардс жана генерал Уэсли Кларк андан алда канча аз добушка ээ болушту.
Керри ушуну менен жети штатта өткөн праймериз шайлоодо жеңишке жетишти.