Нью-Йорк шаарында жайгашкан "Хюман Райтс Вотч" аттуу адам укуктарын коргогон уюм бүгүн АКШ жетекчилигине кайрылып, аны - Өзбекстанда адам укуктары жана диний эркиндиктер одоно бузулуп жатканына көңүл бурууга чакырды. Уюмдун айтымында, өзбек өкмөтү миңдеген адамды диний ишеними үчүн эркинен ажыратып, аларды камакта кармоодо. Уулу абакта кыйналып өлтүрүлгөндүктөн, Фатима Мукадирова деген аял каршылык билдиргенде, өзбек соту аны 12-февралда алты жылга кести.
