Билдирүүдө кара тизмеге түшкөн талапкерлер эмне себептен шайлоого катышпаары көрсөтүлгөн эмес. Айрым алдыңкы реформачыл кыймылдар өткөн айда Ирандын Көзөмөл кеңеши парламенттик марафондон 2000ден ашуун талапкерди чыгарып таштагандан кийин шайлоого бойкот жарыялашкан. Иран парламентиндеги 290 депутаттык орун үчүн эми 5000ге жакын адам ат салышмакчы. Өлкөнүн жогорку диний лидери Аятолла Али Хаменеи элди 20-февралдагы шайлоого активдүү катышып, бойкот жарыялаган реформачыл күчтөрдү "бетке ургандай" кылгыла деп үндөдү.
Ирандын ички иштер министрлиги парламенттик шайлоодон дагы 500дөн ашуун талапкер четтетилгенин кабарлады
