Ядролук куралы бар эки коңшунун ортосунда ынтымакты калыбына келтирүү максатын көздөгөн сүйлөшүүлөрдүн биринчи айлампасы эртең баш калаа Исламабадда башталат. Тышкы иштер министрлигинин деңгээлиндеги сүйлөшүүдө Кашмирден тартып, эки тараптуу бардык маселелер талкууланат. Пакистан Индия менен тез арада элдешүүгө дилгир, бирок Индияда апрель айындагы жалпы улуттук шайлоо бүткөнгө чейин сүйлөшүүлөрдүн алгачкы баскычында чоң жылыш күтүлбөйт.
