Ирактын Башкаруу кеңеши өлкөдөгү бийликти америкалыктардан өткөрүп алуунун башка жолдорун караштырып жатат

Кеңештин мүчөсү Махмуд Отман Ройтер кабар агенттигине бүгүн билдиргендей, азыр Кеңешти кеңейтүү же Ирактын бардык фракцияларынын катышуусундагы улуттук конференция өткөрүү мүмкүнчүлүктөрү талкууланып жатат.
Кечээ болсо Ирактын убактылуу тышкы иштер министри Хошияр Зебари 30-июнга чейин шайлоо өткөрүү өтө кыйын болот деген пикирин ортого салган эле.
Ирактын америкалык администратору Пол Бремер болсо Вашингтон БУУнун сунуштарын күтүп жатканын белгиледи.