Божомолдорго ылайык, бу жолу да сенатор Жон Керри утуп чыгышы ыктымал. Ал он алты штаттын он төртүндө жеңишке жетишти. Жон Керри демократтардан президенттикке талапкер аталса, быйыл кеч күздөгү шайлоодо президент Жорж Бушка атаандаш болмокчу. Висконсиндеги сөзүндө Керри америкалыктарга башка мамлекеттердин таламдарын эске алуу аркылуу алар менен кызматташууну, Иракта жасала турган иштердин глобалдык жоопкерчилигин тең бөлүшүүнү билген президент керектигин айтты.
