БИШКЕК. Эртең Бишкекте Борбор Азиядагы коопсуздук маселелерине арналган эларалык конференция өтөт. Жыйындын катышуучулары аймактагы коопсуздукка коркунуч пайда кылган жагдайларды, Борбор Азияда террорчулукка каршы күрөшүү боюнча жүргүзүлүп жаткан иш-чараларды жана бул багытта биргелешип аракеттенүүнүн жолдорун талкуулашат. Эларалык конференциянын ишине Борбор Азия өлкөлөрүнүн күч структураларынын, ошондой эле АКШнын, Германиянын, Орусия, Түркия жана башка өлкөлөрдүн мамлекеттик коопсуздук органдарынын өкүлдөрү катышаары күтүлүүдө. Бул тууралуу бүгүн республиканын ички иштер министрлигинен маалымдашты.
