БАГДАД. Кошмо Штаттардын Ирактагы аскерлеринин бүгүн тараткан маалыматы боюнча, кечээ кечинде Багдаддын батышындагы АКШ күчтөрү башкарган түрмөгө белгисиз бирөөлөр ок атышты. Натыйжада америкалык бир аскер жаракат алып, ирактык бир адам каза тапты. АКШ аскерлери ирактык 55 адамды кармап, ок атууга катышкан же катышпаганын аныкташууда. Абу Грэйбдеги абак Саддам Хусейндин тарапкерлерин кармоо үчүн кызмат кылат.
