БИШКЕК. Учурда Москвага жакын жерде эс алып жүргөн президент Аскар Акаев 21-февралда Орусиянын мамлекет башчысы Владимир Путин менен жолугушат. Бул тууралуу бүгүн премьер-министр Николай Танаев Санкт-Петербург шаарынын губернатору Валентина Матвиенко менен жолугушуу учурунда билдирди. Аскар Акаев 9-февралда кыска мөөнөткө эс алууга чыгып, ошол эле күнү Москвага жакын жердеги эс алуу жайларынын бирине жөнөп кеткен. Президенттин маалымат кызматынын кабарлоосуна караганда, мамлекет башчы келээрки аптанын башында Кыргызстанга кайтып келет.
