Алардын баары “ал-каидачылар” менен талиптерге каршы ооган чек арасына жакын жерде өткөрүлүп жаткан операция маалында колго түшкөн эле. Туткундардын улут-урку тууралуу эчтеме айтылбайт, алардын арасында чет элдик бир аял да бар. Операция маалында “ал-каидачылардын” жогорку даражалуу бир аскер башчысынын уулу кармалганы кабарланган эле, бирок Пакистан бийликтери бул маалыматты ырасташкан жок.