БИШКЕК. Каракол-Эңилчек автожолундагы Чоңашуу дабанында 12 миң кубометрлик көчкү түшүрүлүп, жолду тазалоо иштери жүргүзүлүүдө. Ал эми Бишкек-Өтмөк-Талас автожолундагы Өтмөк ашуусундагы кар көчкүнү атып түшүрүүдөн пайда болгон 31 миң кубометр көлөмүндөгү кар көчкү тазаланып, 3-марттан баштап Өтмөк аркылуу автоунаалар каттай баштайт. Аба ырайынын кескин жылышы менен кар көчкү жүрүүчү участоктордун көбөйүшү күтүлүүдө. Бул тууралуу бүгүн Экология жана өзгөчө кырдаалдар министрлигинин маалымат кызматынан билдиришти.