МОСКВА. Михаил Фрадков эгер премьер-министр болуп шайланса, орун басарлыгына Думанын вице-спикери Александр Жуковду сунуш кылаарын бүгүн Брюсселден Москвага учуп келгенден кийин билдирди. Россиянын салык полициясынын башчысы, андан соң өлкөнүн Еврошаркеттеги өкүлү болуп иштеген Фрадковду кечээ президент Владимир Путин премьерликке сунуштаган. Анын кандидатурасы Думанын жума күнкү сессиясында колго салынат.
