ЖАЛАЛАБАД. 6-7-мартта 15 градуска чейин күн ысып, 9-мартта дароо суук тартып көз ачырбай башталган кар борбордук райондордун калкын күйүткө салды. Багбан дыйкандардын пикири боюнча, бир жума мурда гүлдөгөн бадам, өрүк, эми бүчүр байлаган коконгиляс, алма өңдүү жемиш дарактары зыян тартышы ыктымал. Андан улам жемиштер түшүм бербей калуусу мүмкүн. Аба ырайынын чукул өзгөрүшүнөн былтыр көптөгөн жемиш дарактары куурап мөмө болгон эмес. Жүзүм, өрүк, шабдалы жана башка жемиш көбүнчө Өзбекстандан ташылып алынган.
