ПОРТ–О-ПРЕНС. Гаитинин мурдагы тышкы иштер министри Жерар Лютортю Порт–о–Пренске жаңы өкмөт түзүү максатында АКШдан кайтып келди. Ал Гаитиде өлкөдөн качып кетүүгө аргасыз болгон президент Жан-Бертран Аристиддин тарапкерлери менен каршылаштарын элдештирип, абалды жөнгө салууну көздөөдө. Жан-Бертран Аристид 29-февралда өлкөдөн кеткенден кийин Гаитиге Кошмо Штаттардын 1600дөй аскери киргизилген болчу. Кечээ алар коомдук тартипти бузгандарга ок атууга аргасыз болушту. Анын кесепеттери тууралуу маалыматтар жок.
