БИШКЕК. Бүгүн Кыргызстанга Орусия федерациясынын чегара кызматынан делегация келди. Жолугушууда Кыргызстан менен Орусия ортосунда чегара кызматташтыгына байланыштуу келишимге өзгөртүүлөр жана толуктоолор киргизилиши күтүлүүдө. Ошондой эле кыргыз чегарачыларын Орусиянын аскердик жогорку окуу жайларында окутуу, материалдык-техникалык жактан жардам көрсөтүү маселелери каралат. Бул тууралуу бүгүн Чегара кызматынан билдиришти.
