Америкалык командачылыктын өкүлү Брайан Хилферти “Тоодогу капсалаң” аттуу операция өлкөнүн чыгышынан түштүгүнө чейинки аймакта өткөрүлүп жатканын, мындан тышкары кан жолдордун баары текши көзөмөлгө алынганын ырастады. Операция “ал-Кайиданын” лидерлери менен мурдагы “Талибан” кыймылынын жетекчилерин табуу, террористтердин инфраструктураларын жок кылуу максатын көздөйт. Ага Иракта Саддам Хусейнди кармап, камакка алган атайын күчтөр жана ЦРУнун кызматкерлери тартылды,операцияга аскери авиация катышууда. Шек туудурган он чакты киши кармалды.
