Линктер

жума, 9-декабрь, 2016 Бишкек убактысы 18:08

Кыргызстандын парламенттик делегациясы Иранда


БИШКЕК. Бүгүн Жогорку Кеңештин Мыйзам чыгаруу жыйынынын төрагасы Абдыганы Эркебаев баштаган парламенттик делегациянын Иран ислам республикасындагы ырасмий сапары башталды. Бул күнү делегация Ирандын президенти Сейед Мухаммад Хатами, межилистин спикери Ходжат-ул-эслам Мехди Карруби жана экс-президент Али-Акбар Хашеми Равсанжани менен жолугушту. Анда Кыргызстан менен Ирандын жана бул эки өлкөнүн парламенттеринин ортосундагы кызматташуу тууралуу сөз болду. Делегация эртең соода министри, кыргыз-иран өкмөттөр аралык биргелешкен комиссиянын теңтөрагасы Мухаммад Шариат-Модари, билим берүү министри Тоуфики менен жолугушат. Андан тышкары Тегеран университетине барышып, ал жерде спикер Абдыганы Эркебаев окуу жайдын окутуучу-профессорлорунун алдында сөз сүйлөйт. Кыргыз делегациясы Иранга бул өлкөнүн парламентинин төрагасынын чакыруусу менен барат жана анын курамында жети депутат бар.

Азаттык Фейсбукта

XS
SM
MD
LG