БИШКЕК. Бүгүн Кытайдын ордо калаасы Пекинде Шанхай кызматташтык уюмунун улуттук координаторлорунун жыйыны башталды. Тышкы иштер министрлигинин кабарлоосуна караганда, жыйында Шанхай кызматташтык уюмунун мамлекет башчыларынын ушул жылдын июнь айында Ташкенде өткөрүлө турган отурумунун күн тартиби жана аталган уюмдун Ташкенде жайгашкан антитеррордук структурасынын аткаруу комитетинин ишмердүүлүгүнө байланыштуу маселелер каралат. Жыйынга Кыргызстандын ШОСтогу улуттук координатору Кадырбек Сарбаев катышууда. Жыйыны 18-мартта соңуна чыгат.
