Кечээ кечинде болгон таат-ибадат өткөн бейшембидеги террактан шейит кеткендердин арбагына арналды. Испан башкалаасындагы чоң чиркөөгө чогулган жүздөгөн адамдардын арасында Каныша София да болду. Өткөн бейшембиде поезде жасалган жардыруулардан 201 адам өлүп, 1500дей киши жаракат алган эле. Көптөгөн испандар өлкө Ирактагы согушка катышканы үчүн "ал-Каида" уюмунун чабуулуна кабылды деген ишенимде. Испан бийликтери жардырууларды уюштурган деп шектелген марокколук алты адамды аныктады.
