БИШКЕК. Кыргыз президентинин жардыгы менен Жээнбек Кулубаев Шанхай кызматташтык уюмунун аткаруучу катчысынын орун басарлыгына дайындалды. Дагы бир жардык менен Аскарбек Мамеев аталган уюмдун Ташкентте жайгашкан регионалдык антитеррордук түзүлүшүнүн аткаруу комитетинин кеңешчиси болду. Жээнбек Кулубаев буга чейин Тышкы иштер министринин орун басары, Аскарбек Мамеев - Коопсуздук кеңештин катчысынын орун басары болуп иштеген. Мындай маалымат президенттин басма сөз кызматынан алынды.
